महानगरपालिका ७ स्थित ट्रान्सपोर्टमा अवैध रुपमा तस्करी गरिएको कपडा काठमाडौं पठाउन लागेको अवस्थामा शुक्रबार कार्यालयका अधिकृत सरोज कोइरालाको नेतृत्वको टोलीले छापा मारेको हो।

सो क्रममा काठमाडौ पठाउन ट्रान्सपोर्टमा तयारी अवस्थामा राखिएको २७ बोरा कपडा बरामद भएको राजश्व कार्यालयका अधिकृत रामप्रसाद लुइटेलले जानकारी दिए। तस्करी गरि काठमाडौैं पठाउन लागिएको करिब ६ करोड रुपैया बराबरको कुर्ता सुरुवाल लगायतका कपडामध्ये २३ बोरा कृष्ण ट्रेडस र ४ बोरा ग्लोबल ट्रेडसले भ्याट बिल काटेको उनले जानकारी दिए।

तस्करीको कपडा रहेको सूचनाका आधारमा राजस्वका अधिकृत सरोज कोइराला नेतृत्वको टोलीले शुक्रबार दिउँसो १ बजेतिर छापा हानेको हो। छापा हानेर २७ बोरा कपडा बरामद गरिएको राजस्व अनुसन्धान कार्यालय इटहरीका अधिकृत रामप्रसाद लुइँटेलले जानकारी दिए। कपडा करिब ६ करोड बराबरको रहेको अनुमान छ।

लुइँटेलले काठमाडौं पठाउन ठिक्क पारिएको कुर्त सलवारलगायतका कपडा बरामद गरिएको बताए। बरामद गरिएका कपडा भारतबाट भन्सार छली गरी तस्करी गरेर विराटनगर ल्याइएको राजस्वको प्रारम्भिक अनुसन्धानबाट खुलेको छ।