२९ माघ, काठमाडौँ। सत्तारुढ नेकपा एमाले सांसद गोकुल बास्कोटाले पटक पटक सरकार परिवर्तन भए पनि आफ्नो निर्वाचन क्षेत्रको चार किलोमिटर बाटो निर्माण नभएको भन्दै आक्रोश पोखेका छन् ।
मंगलबार प्रतिनिधिसभा बैठकको शून्य समयमा सांसद् बास्कोटाले चारवटा प्रधानमन्त्री फेरिँदा समेत ४ किलोमिटर सडक बन्न नसकेको भन्दै सरकारको ध्यानाकर्षण गराएका हुन् ।
‘चारवटा प्रधानमन्त्री फेरिए, त्यति नै संख्यामा मन्त्री फेरियो सचिवको गणना छैन । ४ किमी सडक खावादेखि धुलिखेलसम्म बनेन । भौतिक मन्त्रीको कानमा बतास पसोस्, त्यहाँका जनताले यही भन्दिनु भनेका छन्, नभए ढुङ्गा खाने स्थिति बन्यो’ बास्कोटाले भने ।
