३० माघ, काठमाडौं। अमेरिकी राष्ट्रपति डोनाल्ड ट्रम्पले अमेरिकी सहयोग नियोग (युएसएआइडी) का महानिरीक्षक पउल मार्टिनलाई बर्खास्त गरेका छन् ।
मंगलबार युएसएआइडीको महानिरीक्षकको जिम्मेवारीबाट हटाइएको र उक्त निर्णय तत्कालै कार्यान्वयन हुने ह्वाइट हाउसबाट मार्टिनलाई इमेल पठाइएको थियो ।
वासिङ्टन– अमेरिकी अन्तर्राष्ट्रिय विकास निकाय (युएसएआईडी) का प्रमुख निरीक्षक पौल मार्टिनलाई मंगलबार बर्खास्त गरिएको छ। युएसएआईडीका एक अधिकारीका अनुसार, ट्रम्प प्रशासनले एजेन्सी बन्द गर्ने प्रयास गरेको भन्दै आलोचनात्मक प्रतिवेदन सार्वजनिक गरेको भोलिपल्ट उनलाई बर्खास्त गरिएको हो।
मार्टिन सन् २०२३ को डिसेम्बरदेखि युएसएआईडीका महानिरीक्षकका रूपमा कार्यरत थिए। यो पद अमेरिकी सिनेटको अनुमोदन आवश्यक पर्ने पद हो। युएसएआईडी अधिकारीका अनुसार मार्टिनलाई “पदबाट हटाइएको” छ। अधिकारीले आफ्नो नाम नखुलाउने सर्तमा यो संवेदनशील विषयमा बोलेका हुन्।
मार्टिनलाई राष्ट्रपति कर्मचारी कार्यालयका उपनिर्देशक ट्रेन्ट मोर्स बाट इमेल मार्फत बर्खास्त गरिएको जानकारी दिइएको थियो। इमेल अनुसार मार्टिनको युएसएआईडी महानिरीक्षक पद “तत्काल प्रभाव” बाट समाप्त गरिएको उल्लेख थियो।
ट्रम्प र इलन मस्कले भने जस्तो युएसएआइडी आपराधिक संगठन नभएको पनि प्रतिवेदनमा उल्लेख छ । त्यसरी प्रतिवेदन सार्वजनिक भएको एक दिनमै महानिरीक्षकलाई ट्रम्पले बर्खास्त गरेका हुन् ।
