१ फागुन,काठमाडौँ। प्रमुख प्रतिपक्षी दल नेकपा (माओवादी केन्द्र) आज ‘जनयुद्ध दिवस’ मनाउँदै छ । आज बिहान ८ बजे पार्टी केन्द्रीय कार्यालय पेरिसडाँडामा कार्यक्रम आयोजना गरेर माओवादीले यो दिवस मनाउने भएको हो ।
प्रचण्डले एक भिडियो सन्देश जारी गर्दै ‘जनयुद्ध दिवस’को शुभकामना दिएका छन् । पछिल्लो परिवर्तन जनयुद्धका कारण नै सम्भव भएको उनले उक्त सन्देशमा दाबी गरेका छन् । जसका कारण पछाडि पारिएका समुदायहरू मूल प्रवाहीकरणमा आएको उनको तर्क छ ।
त्यस्तै माओवादी केन्द्रले जितेका स्थानीय तहहरूमा पनि सार्वजनिक बिदा दिएर यो दिवस मनाइँदै छ । यसअघि प्रचण्ड प्रधानमन्त्री भएको बेला सरकारले २०७९ फागुन १ देखि प्रत्येक वर्ष जनयुद्ध दिवस मनाउन सार्वजनिक बिदा दिने निर्णय गरेको थियो । तर, २०८० देखि नै उक्त निर्णय कार्यान्वयनमा भने रोक लाग्यो ।
प्रचण्डले एक भिडियो सन्देश जारी गर्दै जनयुद्ध दिवसको शुभकामना दिएका छन् । पछिल्लो परिवर्तन जनयुद्धका कारण नै सम्भव भएको उनले उक्त सन्देशमा दाबी गरेका छन् । जसका कारण पछाडि पारिएका समुदायहरू मूल प्रवाहीकरणमा आएको उनको तर्क छ ।
