२ फागुन, काठमाडौँ। दुई दिनका लागि अमेरिकाको औपचारिक भ्रमणमा गएका भारतीय प्रधानमन्त्री नरेन्द्र मोदी र राष्ट्रपति डोनाल्ड ट्रम्पबीच भेटघाट हुने भएको छ ।

ट्रम्प राष्ट्रपतिमा पुनः निर्वाचित भएपछिको यो उनीहरूको पहिलो भेट हो । बैठकमा मुख्य रूपमा व्यापार, भन्सार शुल्क (ट्यारिफ) र आप्रवासनबारे छलफल केन्द्रित रहेको बताइएको छ । यो मोदीको प्रधानमन्त्री बनेपछि अमेरिकाको १०औँ भ्रमण हो र ट्रम्पसँगको चौथो भेट हो । यो बैठकले भारत–अमेरिका सम्बन्धलाई थप मजबुत बनाउने अपेक्षा गरिएको छ ।

दुई नेताले व्हाइट हाउसमा एक आपसमा हात मिलाएर र अँगालो हाली अंतर्राष्ट्रिय संचारमाध्यमसँग संवाद गरे र त्यसपछि द्विपक्षीय वार्ता सुरु गरे । “म राष्ट्रपति ट्रम्पको लागि उनको देशलाई सधै प्राथमिकता दिनुमा प्रशंसा गर्छु । म पनि त्यहि गर्छु – यो हाम्रो बीचको समानता हो,” प्रधानमन्त्री मोदीले भने । ट्रम्पले यसैमा थपे, “उनी भारतमा राम्रो काम गर्दैछन् र हामी हाम्रो राष्ट्रहरूको बीचका सम्बन्धलाई अझ बलियो बनाउँछौं ।”

बिश्व मुद्दाबारे पनि छलफल भएको बताइएको छ । रुस–युक्रेन युद्धबारे मोदीले शान्ति प्रक्रियाको पक्षमा भारत उभिएको बताएका छन् । उनले भने, “भारत तटस्थ छैन, बरु शान्तिको पक्षमा छ। युद्ध समाधान वार्ताबाट मात्र सम्भव छ ।” एजेन्सी