६ फागुन, काठमाडौं। बूढानीलकण्ठमा दुई वटा घर भाडामा लिएर अनलाइन जुवा खेलाउने २४ जना भारतीय नागरिक पक्राउ परेका छन् ।
उपत्यका अपराध अनुसन्धान कार्यालयका अनुसार, सोमबार (फागुन–५ गते) साँझ उनीहरूलाई जुवा खेलाउँदै गरेको अवस्थामा प्रहरीले पक्राउ गरेको हो ।
अनलाइन जुवा तथा बेटिङ खेलाएको आरोपमा अपराध अनुसन्धान कार्यालयको इन्टेलिजेन्स शाखा प्रमुख डीएसपी रोशन खड्काको कमाण्डमा खटिएको टोलीले छापा मारेको थियो ।
प्रहरीले उनीहरुको साथबाट २१ थान मोबाइल, ३८ थान ल्यापटप समेत बरामद गरेको छ भने १ अर्ब ६४ करोड ३९ लाखको कारोबार गरेको पाइएको छ । स्काई एक्सचेन्ज वेबसाइटमार्फत उनीहरूले अनलाइन गेम तथा जुवा खेलाउने गरेको प्रहरीले जनाएको छ ।
