काठमाडौँ। भारत आइसिसी च्याम्पियन्स ट्रफी २०२५ को उपाधि नजिक पुगेको छ। मंगलबार दुबईमा भएको पहिलो सेमिफाइनलमा अस्ट्रेलियालाई ४ विकेटले पराजित गर्दै भारतले फाइनलमा स्थान सुरक्षित गरेको हो।
भारतका लागि विराट कोहलीले शानदार ब्याटिङ गर्दै ८४ रन जोडे। उनले ९८ बलमा ५ चौका प्रहार गरे। कप्तान तथा ओपनर रोहित शर्माले २८ रन बनाएका थिए भने अर्का ओपनर शुभमन गिल ८ रनमा आउट भए।
मध्यक्रममा श्रेयस अय्यरले ४५ रन बनाए भने अक्षर पटेल २७ रनमा पेभिलियन फर्किए। केएल राहुलले संयमित पारी खेल्दै नटआउट ४२ रन जोडे। हार्दिक पाण्ड्याले आक्रामक रूपमा २४ बलमा २८ रन बनाएर आउट भए। बलिङतर्फ अस्ट्रेलियाका नाथान इल्स र एडम जाम्पाले समान २-२ विकेट लिए।
