काठमाडौँ। नेपाल दूरसञ्चार प्राधिकरणले दुई वर्ष अगाडि बन्द भएको स्मार्ट टेलिकमको मूल्य निर्धारण प्रक्रिया अगाडि बढाएको छ ।
चैत ४ गते सूचना जारी गर्दै समितिमा बस्ने इच्छुक सदस्यहरुसँग आशयपत्र माग गरेको हो। प्राधिकरणले २०७० वैशाख २ गते आधारभूत टेलिफोन सेवाको अनुमतिपत्र बक्यौता तिर्न नसक्दा खारेज भएको थियो।
अनुमतिपत्र बहाल नरहेका दूरसञ्चार सेवा प्रदायकको सम्पत्ति व्यवस्थापन नियमावली बमोजिम मूल्य निर्धारण समिति गठन गर्न आह्वान गरेको छ।
समिति गठन गर्नका लागि मान्यता प्राप्त शैक्षिक संस्थाबाट चाटर्ड एकाउन्टेन्सीको शैक्षिक उपाधि हासिल गरेको र सोही क्षेत्रमा १० वर्ष लेखापरीक्षकको रूपमा काम गरेको व्यक्तिले आवेदन गर्नसक्ने प्राधिकरणको सूचनामा उल्लेख छ ।
साथै प्राधिकरणले ७ दिनभित्र आवश्यक कागजात सहित आवेदन दिनुपर्ने पनि जनाएको छ ।
