ताप्लेजुङ । नेपाल कम्युनिष्ट पार्टी (माओवादी केन्द्र) का नेता जनार्दन शर्माले पाथीभरामा निर्माणाधीन केवलकार परियोजनासम्बन्धी विवाद समाधानका लागि संवाद र सहकार्य अपरिहार्य रहेको बताएका छन्।
प्रेस सेन्टरद्वारा फुङ्लिङमा आयोजित पत्रकार सम्मेलनमा बोल्दै उनले पाथीभरा केवलकार राष्ट्रको धार्मिक, सांस्कृतिक तथा पर्यटकीय महत्व बोकेको संरचना भएकाले यसको निर्माणमा स्थानीय समुदायको भावना सम्बोधन गर्दै अघि बढ्नुपर्ने सुझाव दिए।
नेता शर्माका अनुसार, केवलकार परियोजनाका पक्ष र विपक्षमा रहेका समूहहरूबीच सहमति कायम गर्न सरकारले पहल लिनुपर्ने आवश्यकता देखिएको छ।
