काठमाडौँ। इलेक्ट्रिक स्कुटर निर्माता एथर इनर्जीले आफ्ना दुई नयाँ मोडल ‘४५०एक्स’ र ‘४५०एस’ सार्वजनिक गरेको छ।
यी नयाँ स्कुटरहरू उन्नत प्रविधि, उच्च ब्याट्री क्षमता, र स्मार्ट सुविधाहरू सहित बजारमा उपलब्ध गराइएका छन्। कम्पनीका अनुसार, ‘४५०एक्स’ उच्च प्रदर्शन क्षमतासहित लामो दूरीको यात्रा गर्न उपयुक्त छ भने ‘४५०एस’ अफोर्डेबल मूल्यमा उत्कृष्ट विशेषतासहित ल्याइएको छ।
नयाँ मोडलहरूमा अपडेटेड सफ्टवेयर, सुधारिएको मोटर, र फास्ट चार्जिङ सुविधा जस्ता प्रविधिहरू समावेश गरिएको छ। एथर इनर्जीले नयाँ स्कुटरहरू प्रतिस्पर्धी मूल्यमा उपलब्ध गराउने बताएको छ ।
स्कुटरमा परिस्कृत सफ्टवेयर इन्जिन एथर स्ट्याक ६ प्रयोग गरिएको छ। यसमा गुगल म्याप्स, एलेक्सा भ्वाइस असिस्ट, ह्वाट्सएप, पिङ माई स्कुटर र लाइभ लोकेसनलगायतका सुविधा उपलब्ध छन्।
नेपाली बजारमा २०२५ मोडलको एथर ४५० एसको मूल्य ३ लाख २४ हजार ९९९ तोकिएको छ। त्यसैगरी २.९ किलोवाट आवरको एथर ४५०एक्सको मूल्य ३ लाख ६४ हजार ९९९ र ३.७ किलोवाट आवरको एथर ४५०एक्सको मूल्य ३ लाख ९९ हजार ९९९ तोकिएको छ। कम्पनीले ८ वर्ष वा ८० हजार किलोमिटरको ब्याट्री वारेन्टी र ७० प्रतिशत ब्याट्री हेल्थ ग्यारेन्टी उपलब्ध गराउने बताएको छ।
