Trending
व्हाट्सएप स्टेटसमा मनपर्ने गीत राख्ने तरिका, जान्नुहोस् सरल विधि!     |     अनौठा अन्तरिक्षीय रेडियो सिग्नलको स्रोत पत्ता लगाउँदै वैज्ञानिक!     |     एकीकृत समाजवादीको सुदूरपश्चिम अध्यक्षमा खड्का     |     नेपाल र थाइल्याण्डबीचको सम्बन्ध नयाँ उचाइमा : प्रधानमन्त्री ओली     |     कराते टोली अस्ट्रेलिया जाने     |     दलाल नेताहरुले देशलाइ दलदलमा फँसाएको छ : प्रभु साह     |     महाभोज’को गीत ‘मख्खै परेँ’ सार्वजनिक: दयाहाङ, खगेन्द्र, अञ्जना, मलिका र गौमायाको कौडा नृत्य     |     लोकप्रिय हुने प्रवृतिबाट बाहिर निस्कौं : अर्थमन्त्री पौडेल     |     चलचित्र ‘अभिमन्यु’को शुभमुहूर्त     |     गुणराजले अस्ट्रेलियाको लिजेन्ड्स एकेडेमीमा प्रशिक्षण दिने     |    
समाचार

गुणराजले अस्ट्रेलियाको लिजेन्ड्स एकेडेमीमा प्रशिक्षण दिने

१९ चैत्र २०८१, मंगलवार १०:१४

काठमाडौं। नेपाली मुवाँथाई खेलाडी गुणराज रुचालले अस्ट्रेलियाको पर्थस्थित लिजेन्ड्स एकेडेमीमा प्रशिक्षणको अवसर पाएका छन् ।

त्यसका लागि उनी मंगलबार अस्ट्रेलिया प्रस्थान गरेका छन् ।‘खेलाडीका रुपमा मैले थुप्रै राष्ट्रिय तथा अन्तर्राष्ट्रिय प्रतियोगिता खेले । पदक पनि जिते । अब प्रशिक्षकका रुपमा नयाँ अध्याय सुरु गर्दै छु । त्यो पनि विदेशी भूमिमा । मलाई यो अवसर प्रदान गर्नु भएकोमा एकेडेमीका प्रबन्ध निर्देशक डेनियल डसनलाई धेरै धेरै धन्यवाद दिन चाहन्छु ।

अस्ट्रेलिया उड्नुअघि गुणराजले भने– ‘उहाँ (डेनियल) ४ पटकका मुवाँथाई च्याम्पियन, ३ पटकका किक बक्सिङ च्याम्पियन र १ पटकका बक्सिङ च्याम्पियन हुनु हुन्छ । उहाँ जस्तो मार्सल आर्ट्स क्षेत्रका दिग्गज व्यक्तित्वसंग काम गर्ने अवसर पाएकोमा भाग्यमानी ठानेको छु ।

गत भदौमा पनि गुणराज केही समय लिजेन्ड्स एकेडेमीसंग जोडिएका थिए । त्यसबेला उनले लिजेन्ड्स मै विशेष प्रशिक्षण लिएका थिए । गुणराजले करिब १२ बर्ष ६ महिना अवधि सेनामा रहेर हालै उपदानमा राजिनामा दिएका थिए ।

करिब एक दशकको मुवाँथाई यात्रामा ३२ वर्षीय गुणराजको मुख्य उपलब्धी भनेको १ वर्षअघि बैंककमै भएको १९ औं विश्व मुवाँथाई च्याम्पियनसिपमा जितेको स्वर्ण हो । उनले सेमी प्रोको पुरुष ५४ केजीमा स्वर्ण जितेका थिए । त्यो स्वर्ण नेपाली मुवाँथाईको इतिहासमा कुनैपनि खेलाडीले सेमी प्रोमा जितेको एक मात्र स्वर्ण हो । १९ औं संस्करणअघि गुणराजले १७ औं र १८ औं संस्करणको विश्व च्याम्पियनसिपमा कांस्य जितेका थिए ।

उनी १३ औं र १५ संस्करणको विश्व च्याम्पियनसिपमा पनि सहभागी भएका थिए । यि सबै विश्व च्याम्पियनसिप थाइल्यान्डमा भएको थियो ।गुणराज विभिन्न समयमा भएका नेपाल मुवाँथाई च्याम्पियनसिप, टप ५ मुवाँथाई प्रो फाइट, तेश्रो, चौथो र आठौं संस्करणको इन्डो–नेपाल मुवाँथाई च्याम्पियनसिप र तेश्रो केब्याग अन्तर्राष्ट्रिय मुवाँथाई च्याम्पियनसिपका स्वर्ण विजेता हुन् । पाँचै प्रतियोगिता नेपालमा भएका थिए ।

उनी थाइल्यान्डमै भएको प्रोफेसनल मुवाँथाई फाइट र फेयरटेक्स प्रोफेसनल फाइटका विजेता हुन् । उनले २०१६, २०१८ र २०२२ को वर्ष उत्कृष्ट मुवाँथाई खेलाडीको अवार्ड जितेका छन् । उनले कम्बोडियामा भएको दोश्रो विश्व कुन्खेमरमा पनि नेपालको चुनौती प्रस्तुत गरेका थिए ।

प्रतिक्रिया दिनुहोस्