चितवन। नेपालका लागि चांगानको आधिकारिक विक्रेता एमएडब्लू वृद्धिले चितवनमा ‘दिपल ईभी’ को औपचारिक बिक्री सुरु गरेको छ।
चितवन उद्योग वाणिज्य संघका अध्यक्ष सुमनकुमार श्रेष्ठ, एमएडब्लू वृद्धिका कार्यकारी निर्देशक विवेक सिकारिया, राजहंस अटोमोबाइलका निर्देशक दीलिप थानेत लगायतले दिपल एस०७ एल र दिपल ई०७ सार्वजनिक गरे।
एमएडब्लूका सीईओ रुपेश भट्ट शर्माले एक वर्षमै ८ सयभन्दा बढी दिपल ईभी बिक्री भइसकेको जानकारी दिँदै यसको प्रविधि र डिजाइनले ग्राहकको मन जितेको बताए।
चितवनका लागि नयाँ शोरुम खोलेसँगै बिहीबारदेखि तीन दिनको टेस्ट ड्राइभ एन्ड एक्सचेन्ज क्याम्प सुरु भएको छ। क्याम्पमा ग्राहकले २०% डाउनपेमेन्टमा गाडी खरिद, ७ किलोवाट चार्जर, आकर्षक छुट, एक्सचेन्ज बोनस र उपहार प्राप्त गर्न सक्नेछन्।
दिपल ईभीमा वेलकम सिट, सनफ्लावर टचस्क्रिन, एआर हेडअप डिस्प्ले, जेस्चर कन्ट्रोलजस्ता १५ भन्दा बढी नयाँ फिचरहरू छन्, जसले यसलाई नेपाली ईभी बजारमा लोकप्रिय बनाएको छ।
