काठमाडौँ। नेपाल वैदेशिक रोजगार व्यवसायी सङ्घ (नेवरेस)को अध्यक्षमा भुवनसिंह गुरूङ ६१ मतान्तरले विजयी हुनुभएको छ। गुरूङले ४२८ र प्रतिस्पर्धी नरेश गेलालले ३६७ मत प्राप्त गरेका छन्।
गुरूङ सङ्घका पूर्व द्वितीय उपाध्यक्ष तथा गुरूङ म्यानेजमेन्ट प्रालिका सञ्चालक रहेका छन्। अन्य निर्वाचित पदाधिकारीहरूमा प्रथम उपाध्यक्ष सुजित कुमार श्रेष्ठ, द्वितीय उपाध्यक्ष देवकुमार खोखाली, तृतीय उपाध्यक्ष बैकुण्ठप्रसाद पौडेल, महासचिव महेशकुमार बस्नेत (४२३ मत), सचिव कुन्छा दोर्जे डिमडुङ र कोषाध्यक्ष धनमाया सिञ्जाली रहेका छन्।
सदस्यमा रेखा शर्मा, कृष्ण ढकाल, भरत सापकोटा, रामकाजी भोलान, सुवर्ण लामा, हिमा गुरूङ, रमा खड्का, देवीप्रसाद गिरी, सुमनराज पाण्डे र विद्यालक्ष्मी बज्राचार्य विजयी भएका हुन्।
