पाटन। तीनकुने घटनामा ज्यान गुमाएका सविन महर्जनकी आठ वर्षीया छोरीलाई नेपाली कांग्रेसका कोषाध्यक्ष उमेश श्रेष्ठले कीर्तिपुरको ल्याबोरेटरी स्कुलमा कक्षा १२ सम्म निःशुल्क शिक्षा दिने प्रतिबद्धता जनाए ।
श्रेष्ठले पीडित परिवारको आर्थिक अवस्था कमजोर भएको थाहा पाएपछि मानवीय आधारमा यस्तो व्यवस्था गरिएको जानकारी दिए । विद्यालय प्रशासन र कीर्तिपुर नगरपालिकासँग समन्वय गरेर पढाइको व्यवस्था मिलाइएको हो।
नेपाल महिला संघकी अध्यक्ष उषा राउत मिश्र र मानव अधिकार आयोगकी आयुक्त लीली थापाले पनि पीडित परिवारको बारेमा जानकारी गराउँदै सहयोगको अनुरोध गरेका छन्।
