काठमाडौं। नेपाल राष्ट्र बैंकका कार्यकारी निर्देशक डा. गुणाकर भट्टलाई गभर्नर नियुक्ति नगर्न माग गर्दै सर्वोच्च अदालतमा पूरक निवेदन परेको छ।
अधिवक्ता प्रतिभा उप्रेती र विशाल थापाले शुक्रबार भट्टको योग्यता नपुगेको दाबी गर्दै पूरक निवेदन दर्ता गरेका हुन्। यसअघि उनीहरूले ६५ वर्षे उमेर हद हटाउनेगरी गरिएको मापदण्ड संशोधनविरुद्ध रिट दर्ता गरेका थिए। उक्त रिटमा सुनुवाइ गर्दै सर्वोच्चका न्यायाधीश नित्यानन्द पाण्डेयको एकल इजलासले मापदण्ड तत्काल कार्यान्वयन नगर्न सरकारलाई अन्तरिम आदेश दिएको थियो।
सोही रिटमा पूरक निवेदन दिँदै भट्टको योग्यता नपुगेको भन्दै नियुक्ति नगर्न माग गरिएको सर्वोच्चका सूचना अधिकारी निराजन पाण्डेले जानकारी दिए।
