काठमाडौं। प्रधानमन्त्री केपी शर्मा ओलीले ऊर्जा राज्यमन्त्री पूर्णबहादुर तामाङलाई बर्खास्त गरेका छन्। कार्यशैलीमा प्रश्न उठेपछि गृहमन्त्री रमेश लेखकले राजीनामा दिन सुझाव दिए पनि तामाङले अस्वीकार गरेपछि प्रधानमन्त्री ओलीले उनलाई पदमुक्त गरेका हुन्।

कांग्रेसको तर्फबाट मन्त्री बनेका तामाङले नेपाल विद्युत् प्राधिकरणका तत्कालीन कार्यकारी निर्देशक कुलमान घिसिङको बर्खास्तीको विरोध गर्दै सार्वजनिक रुपमा अभिव्यक्ति दिँदै आएका थिए। पछिल्लो समय उनले आफ्नै मन्त्रालयका सचिव सुरेश आचार्यसँग स्पष्टीकरण समेत मागेका थिए।