दैलेख। नेपाल टेलिकमले दैलेखको गुराँस गाउँपालिकामा पहिलो पटक फोरजी सेवा सुरु गरेको छ। कर्णाली प्रदेशको यो दुर्गम क्षेत्रमा वैशाख ८ गतेदेखि मोबाइल सेवा सञ्चालनमा आएको हो।
गुराँस गाउँपालिका वडा नं. ३, ४, ५ का साथै बयलकाँडा (वीरेन्द्रनगर–१४) र लेकगाउँ (बराहताल–९) मा फोरजी सेवा उपलब्ध हुनेछ। टेलिकमका अनुसार सेवा सुरु भएसँगै स्थानीयले उच्च गतिको इन्टरनेट र गुणस्तरीय मोबाइल सेवा अनुभव गर्न थालेका छन्।
प्रादेशिक निर्देशक कमल लामिछानेका अनुसार यसले डिजिटल पहुँच, शिक्षा, स्वास्थ्य र सूचना प्रवाहमा नयाँ सम्भावना थपेको छ।
