Trending
एसईईमा ४.० जिपिए ल्याउने बाँकेकी सृजना डि.सी. पहिलो विद्यार्थी     |     विद्युत् प्राधिकरणद्वारा सात चार्जिङ स्टेसनलाई थप बजेट, १ करोडभन्दा बढी विनियोजन     |     सीजी इलेक्ट्रोनिक्सद्वारा ‘मेरिडिया ५५ इन्च क्यूएलईडी काराओके टीभी’ सार्वजनिक     |     धितोपत्र बजार पुँजीकरणमा रेकर्ड ब्रेक, ४४ खर्ब २३ अर्ब पुग्यो     |     प्रधानमन्त्रीसहितको टोली रसुवाको बाढीग्रस्त क्षेत्रमा जाँदै     |     खानेपानीको व्यवस्था गर्न नसक्ने खानेपानी मन्त्रालय खारेज गर्नुपर्ने प्रभु साहको सुझाव     |     मुख्यमन्त्री कँडेलले गुरुयोजना निर्माणलाई दिए प्राथमिकता     |     जाजरकोट डिभिजन वन प्रमुखमाथि कार्यकक्षमै हातपात     |     खानेपानीको माग गर्दै सुकुम्बासीले गरे आन्दोलनको घोषणा     |     गृहमन्त्रीसंग प्रभु साहको प्रश्न, ‘तपाईहरुको कमाण्डमा सुरक्षा निकाय छ की छैन ?’     |    
खेलकुद

चौथो उपत्यकाव्यापी जुनियर उसु प्रतियोगिता जोरपाटीमा सम्पन्न, इष्टपोल एकेडेमी प्रथम

३० बैशाख २०८२, मंगलवार ०७:०९

काठमाडौँ।जोरपाटी उसु क्वानको आयोजना तथा गोकर्णेश्वोर नगरपालीकाको आर्थिक सहयोगमा बैशाख २७ गते देखि सुरु भएको चौथो उपत्यकाव्यापी क्वान स्तरीय खुल्ला जुनियर उसु प्रतियोगिता- २०८२ समापन भएको छ ।

नगरपालिकाको आफ्नै हलमा सम्मन्न प्रतियोगिता २७ गते देखि २९ गतेसम्म तिन दिन चलेको थियो । समापन कार्यक्रममा प्रमुख अतिथी नगर प्रमुख दिपक रिजाल, विशेष अतिथी नगर उपप्रमुख सान्नानी लामा, विशेष अतिथी गोकर्णेश्वोर नगरपालिका युवा तथा खेलकुद बिकास समिती अध्यक्ष सन्जय लामा, विशेष अतिथी नेपाल उसु महासंघका महासचिव नबराज ढुंगाना बिश्वास लगायत अन्य अतिथि ज्युहरुले बिजेता खेलाडीहरुलाई मेडल तथा प्रमाण पत्र वितरण गरेका छन्।

१० स्वर्ण, २ रजत र ३ कास्य पदक सहित इष्टपोल एकेडेमी टिम प्रथम, ७ स्वर्ण ११ रजत र ४ कास्य सहित मनमैजु उसु क्वान टिम दोस्रो र ६ स्वर्ण र ७ कास्य सहित आयोजक जोरपाटी उसु क्वान टिम तेस्रो हुन सफल भए । प्रतियोगिताको चौथो सस्करण सम्म आइपुग्दा अत्याधिक र उत्कृष्ट जुनियर खेलाडीहरु सहभागी भएको जोरपाटी उसु क्वानका अध्यक्ष तथा कार्यक्रम संयोजक नारायन श्रेष्ठ ले जानकारी दिए ।

प्रतियोगितामा थाओलु तर्फ रिदम गोले पुरुष र बबिता ठाडा मगर महिला तर्फ उत्कृष्ट खेलाडी घोषित भए । दुबै इष्टपोल एकेडेमीका हुन । त्यस्तै सान्दा पुरुष तर्फ सन्जिब तमाङ्ग (निन्जा उसु क्वान) र महिला तर्फ आरती गोम्बो (मनमैजु उसु क्वान) उत्कृष्ट खेलाडी घोषत भएको जोरपाटी उसु क्वान तथा प्रतियोगिताको प्राबिधिक संयोजक शैलेन्द्र श्रेष्ठ ले जानकारी दिए ।

साथै उनले सहभागी सम्पुर्ण क्वान, स्कुलका खेलाडी तथा प्रशिक्षकलाई धन्यवाद दिदै आगामी बर्षमा अझ उत्कृष्ट प्रतियोगिता हुँदै जाने समेत जानकारी दिए ।

प्रतिक्रिया दिनुहोस्