काठमाडौ। नेपाली काङ्ग्रेसका उपसभापति धनराज गुरुङले राजनीति त्याग र निरन्तर यात्रा भएको बताउनु भएको छ ।
शनिवार काठमाडौको गोधुली फुडल्याण्डमा भएको नेपाली काङ्ग्रेसका नेता तथा स्याङ्जाका पुर्व सभापति एवं पुर्व सांसद स्वर्गीय खगेन्द्र राज रेग्मीको प्रथम स्मृतिसभालाई सम्बोधन गर्दै उहाँले यस्तो बताउनु भएको हो । उहाँले भन्नुभयो, “राजनीति निरन्तर यात्रा हो ।
अविरल यात्रा हो । राजनीतिमा के पाए भन्दा पनि लक्ष्यमा अटल भएर लाग्नु नै राजनीति हो । ” राजनीतिमा त्यागको मुल्य नहुने भन्दै स्वर्गीय रेग्मिबाट राजनीति धेरै सिक्नुपर्ने उल्लेख गर्नुभयो ।
शिक्षण पेसा संगै राजनीति गर्नुभएका रेग्मी आफ्नो पनि गुरु भएको बताउदै उहाँले जन्म दिने बुबा आमा, जिबन दिने घर्ती र ज्ञान दिने गुरु सधै भगवान सरह हुने समेत उल्लेख गर्नुभयो ।
