काठमाडौं। सरकारले नेपाली कांग्रेसका सभापति तथा पूर्वप्रधानमन्त्री शेरबहादुर देउवाको गृहजिल्ला डडेल्धुरामा विमानस्थल निर्माण गर्ने घोषणा गरेको छ।
आर्थिक वर्ष २०८२/८३ को बजेटमार्फत घोषणा गरिएको सो योजनाअनुसार सुदूरपश्चिमको हवाइ पहुँच विस्तार गर्दै डडेल्धुरा जिल्लामा विमानस्थल निर्माण गरिनेछ।
सरकारले यसअघि सुदूरपश्चिमका दुर्गम भेगहरूमा पूर्वाधार विस्तारको प्रतिबद्धता जनाउँदै आएको थियो। अब डडेल्धुरामा विमानस्थल बनेपछि पर्यटन, व्यापार र आपतकालीन सेवा प्रवाहमा सहयोग पुग्ने अपेक्षा गरिएको छ।
