काठमाडौं। आईसीसी क्रिकेट विश्वकप लिग–२ अन्तर्गत स्कटल्यान्डको फोर्थहिल क्रिकेट मैदानमा नेपालले नेदरल्यान्ड्ससँग टस हार्दै फिल्डिङ गर्ने भएको छ। नेदरल्यान्ड्सका कप्तान स्कट एडवर्ड्सले टस जितेर पहिले ब्याटिङ रोजेका छन्।
त्रिदेशीय शृंखलामा नेपालले पहिलो खेलमा स्कटल्यान्डलाई १ विकेटले हराएको थियो। नेपालले लिग–२ को तेस्रो खेल आइतवार स्कटल्यान्ड र मङ्गलवार नेदरल्यान्ड्ससँग खेल्नेछ।
हाल लिग–२ को तालिकामा नेपाल १३ खेलमा ८ अंकसहित सातौं स्थानमा छ भने नेदरल्यान्ड्स दोस्रो र स्कटल्यान्ड चौथो स्थानमा छन्। अमेरिका शीर्ष स्थानमा रहेको छ।
लिग–२ को शीर्ष ४ टोली विश्वकप ग्लोबल छनोटमा सिधै पुग्नेछन् भने तल्लो ४ टोलीले छनोट प्लेअफ खेल्नेछन्।
