काठमाडौं। नेकपा एकीकृत समाजवादीका अध्यक्ष तथा सांसद माधवकुमार नेपालविरुद्ध दायर भ्रष्टाचार मुद्दासम्बन्धी पत्र संसद सचिवालयमा पुगेको छ।
पतञ्जलि जग्गा प्रकरणमा ‘सरकारी सम्पत्ति हिनामिना गरी भ्रष्टाचार’ गरेको आरोपसहित अख्तियारले १८ करोड ५८ लाख बिगो माग गर्दै मुद्दा दायर गरेको हो।
रौतहटबाट निर्वाचित नेपालसहित ९२ जनाविरुद्ध मुद्दा दर्ता गरिएको छ। मुद्दा टुंगो नलागेसम्म नेपालको सांसद पद स्वतः निलम्बनमा पर्ने संसद सचिवालयले जनाएको छ।
