काठमाडौँ। विश्व वातावरण दिवस २०२५ को अवसरमा सिप्रदी ट्रेडिङ प्रालिले टाटा कर्भ ईभीमा काठमाडौँदेखि कन्याकुमारीसम्मको ऐतिहासिक विद्युतीय यात्रा सुरू गरेको छ।

‘के२के ड्राइभ’ नाम दिइएको यो अभियान बिहीबार थापाथलीस्थित टाटा शोरुमबाट ‘फ्ल्याग अफ’ गरी सुरू गरिएको हो। यात्रामा अटो उत्साहीहरू अवशिष प्रसाद ओझा र विजय राम कासजू सहभागी छन्, जो करिब ३००० किलोमिटरको दूरी विद्युतीय रूपमा तय गर्दै छन्।

टाटा कर्भ ईभीमा लेभल–२ एडीएएस, प्यानोरामिक सनरुफ, V2L टेक्नोलोजी जस्ता आधुनिक सुविधा छन्। १८६ मिमी ग्राउन्ड क्लियरेन्स भएकाले यात्रामा ठूला समस्या नआउने अपेक्षा गरिएको छ।

यात्राका अनुभव, चार्जिङ सुविधा र गाडीको प्रदर्शनबारे जानकारी सामाजिक सञ्जालमार्फत सार्वजनिक गरिनेछ।