काठमाडौँ। स्कटल्यान्डमा जारी त्रिकोणात्मक टी–२० अन्तर्राष्ट्रिय क्रिकेट सिरिज अन्तर्गत नेदरल्यान्ड्सविरुद्धको दोस्रो खेलमा नेपालले १७५ रनको लक्ष्य पाएको छ।
टस जितेर पहिला फिल्डिङ रोजेको नेपालविरुद्ध नेदरल्यान्ड्सले २० ओभरको समाप्तिमा ७ विकेट गुमाउँदै १७४ रनको योगफल तयार पार्यो।नेदरल्यान्ड्सका ब्याटरहरूले संयमित प्रदर्शन गर्दै नेपालको बलिङ आक्रमणलाई दबाबमा राखे। शुरुवाती ओभरमा नै नेपालले केही सफलता हात पारे पनि त्यसपछि नेदरल्यान्ड्सका मिडल अर्डर ब्याट्सम्यानहरूले रन गति कायम राख्दै उल्लेखनीय स्कोर बनाए।
विशेषगरी अन्तिम ओभरहरूमा तीव्र गतिमा रन थपिँदा नेदरल्यान्ड्सले प्रतिस्पर्धात्मक लक्ष्य दिन सफल भयो। नेपालका लागि बलिङतर्फ करण केसीले उत्कृष्ट प्रदर्शन गर्दै २ विकेट लिए। त्यस्तै, सन्दीप लामिछाने, ललित राजवंशी, दीपेन्द्रसिंह ऐरी र रुपेश सिंहले समान रूपमा १/१ विकेट लिँदै टोलीलाई योगदान दिए। बलिङतर्फ नेपालले समग्रमा सन्तुलित प्रदर्शन गरे पनि डेथ ओभरमा भने केही महत्त्वपूर्ण रनहरू खर्चिए।
अब नेपालले यो लक्ष्य पछ्याउँदै प्रतियोगितामा दोस्रो जित हात पार्ने प्रयास गर्नेछ। सिरिजको पहिलो खेलमा नेदरल्यान्ड्ससँग रोचक संघर्ष गर्दै अन्तिम सुपर ओभरमा पराजित भएको नेपाल यस पटक बदला लिने रणनीतिमा हुनेछ। ब्याटिङ लाइनअपमा कुशल प्रदर्शन देखाउँदै नेपालले यो चुनौतीपूर्ण लक्ष्य सफलतापूर्वक पछ्याउने अपेक्षा गरिएको छ।
