काठमाडौं। स्कटल्याण्डमा जारी टि–२० आई सिरिजको अन्तिम खेलमा नेपालले आज घरेलु टोली स्कटल्याण्डसँग प्रतिस्पर्धा गर्नेछ। खेल नेपाली समय अनुसार बेलुका ७:४५ बजे ग्लासगोमा सुरु हुनेछ।
तीन खेलमा २ जित र १ हारसहित नेपाल शीर्ष स्थानमा छ भने स्कटल्याण्ड १ जित र २ हारसहित तेस्रो स्थानमा छ। नेपाल आजको खेल जितेमा ६ अंकसहित सिरिज च्याम्पियन बन्छ।
यदि स्कटल्याण्ड विजयी भएमा दुवै टोलीको अंक बराबरी हुनेछ र रनरेटको आधारमा स्कटल्याण्ड विजेता घोषित हुनेछ। पहिलो भेटमा नेपालले स्कटल्याण्डलाई २ विकेटले पराजित गरेको थियो।
नेपाल सोमबार नेदरल्याण्ड्ससँग पराजित भए पनि बिहीबार पुनः नेदरल्याण्ड्सलाई ६ विकेटले हराउन सफल भएको थियो।
