दाङ । २१ वर्षअघि पाल्पामा हत्या गरी भारत फरार भएका अभियुक्त पूर्णबहादुर सार्की पक्राउ परेका छन्।
२०६१ असार १९ मा पूर्वखोला गुनडाँडाकी ५५ वर्षीया चीनीसरा सार्कीको हत्या गरी फरार भएका ६६ वर्षीय सार्कीलाई पाल्पा प्रहरीले बाँकेको नेपाल-भारत सीमा नजिकबाट पक्राउ गरेको हो।
प्रहरी प्रवक्ता सुनिल मल्लका अनुसार उनी हालै नेपाल आउन थालेको सुराकी पाएपछि पक्राउ गरिएको हो। उनीमाथि ज्यानसम्बन्धी कसुरमा ५ दिनको म्याद थपेर अनुसन्धान थालिएको प्रहरीले जनाएको छ।
