काठमाडौँ। आइतबार दिउँसो मुगु जिल्लामा भूकम्पको झट्का महसुस गरिएको छ। राष्ट्रिय भूकम्प मापन केन्द्रका अनुसार भूकम्पको केन्द्रबिन्दु मुगु जिल्लाको जिमा क्षेत्र रहेको छ।
केन्द्रले जनाएको अनुसार दिउँसो २ बजेर ३४ मिनेटमा गएको भूकम्पको तीव्रता रिक्टर स्केलमा ४.८ म्याग्निच्युड मापन गरिएको हो।
भूकम्पबाट मानवीय वा भौतिक क्षतिको विस्तृत विवरण भने आउन बाँकी रहेको जनाइएको छ।
