काठमाडौँ। मुगु जिल्लाको कोटडाँडा आसपास क्षेत्रलाई केन्द्रविन्दु बनाएर आज बिहान भूकम्प गएको छ।
राष्ट्रिय भूकम्प मापन तथा अनुसन्धान केन्द्र लैनचौरका अनुसार बिहीबार बिहान ८ बजेर ३९ मिनेटमा ४.३ रेक्टर स्केलको भूकम्पको धक्का महसुस गरिएको हो। केन्द्रले भूकम्पको केन्द्रविन्दु मुगुको कोटडाँडा आसपास रहेको जानकारी दिएको छ।
यसअघि पनि असार १५ गते मुगु जिल्लाको जिमा क्षेत्र केन्द्रविन्दु भएर ४.८ रेक्टर स्केलको भूकम्प गएको थियो। नेपाल पछिल्ला केही वर्षयता साना परिमाणका भूकम्पहरू बारम्बार महसूस हुन थालेका छन्। भौगोलिक रूपले हिमालय क्षेत्रमा पर्ने नेपाल भूकम्पीय जोखिमको उच्च सम्भावना बोकेको मुलुक हो।
भूकम्पका साना पराकम्पहरूले पनि सतर्कता अपनाउनुपर्ने आवश्यकता देखिएको भन्दै विज्ञहरूले भूकम्पीय सचेतना र तयारीलाई बल दिनुपर्ने सुझाव दिँदै आएका छन्।
