काठमाडौं। लोकप्रिय गायक पशुपति शर्मा सवार कार स्याङ्जाको भीरकोट नगरपालिका–२ मा दुर्घटना भएको छ ।

बुधबार दिउँसो सिद्धार्थ राजमार्गमा वालिङतर्फ जाँदै गरेको ग १ च ४१७१ नम्बरको कार अनियन्त्रित भई कल्भर्टमा ठोक्किएको जिल्ला प्रहरी कार्यालय स्याङ्जाका डीएसपी बाबुराम न्यौपानेले जानकारी दिए ।

उनका अनुसार कारमा सवार चारै जनालाई ठूलो चोट लागेको छैन । गायक शर्माको देब्रे हातको कान्छी औंला भने भाँचिएको छ । कारमा सामान्य क्षति पुगेको छ ।

गायक शर्मा सांगीतिक कार्यक्रमका लागि स्याङ्जा गएका थिए । दुर्घटना सामान्य भए पनि सावधानी अपनाउन प्रहरीले आग्रह गरेको छ ।