काठमाडौँ। नेपाल प्रिमियर लिग (एनपीएल)को जारी अक्सनमा अलराउन्डर पवन सराफ कर्णाली याक्समा १५ लाख रुपैयाँमा अनुबन्धित भएका छन्।
ए’ क्याटागोरीका सराफका लागि कर्णाली याक्स, विराटनगर किंग्स, चितवन राइनोज र लुम्बिनी लायन्सले अधिकतम मूल्यको बोली लगाएका थिए। तर, लक्की ‘ड्र’ को नतिजामा कर्णालीले सराफलाई आफ्नो टिममा भित्र्याउन सफल भयो।
इन्जुरीका कारण पहिलो संस्करणमा अनुपस्थित रहेका सराफ यसपटक कर्णालीको मध्यक्रम मजबुत बनाउन र बलिङ विभागमा सन्तुलन कायम गर्न महत्वपूर्ण योगदान दिने अपेक्षा गरिएको छ।
