Trending
“दृश्यमा नेपाल” अभियानअन्तर्गत “तिम्रो साथमा” भिडियोले कोशी पर्यटन वर्षलाई टेवा     |     भारतले जित्यो साफ यू–१७ महिला च्याम्पियनसिपको उपाधि     |     रोहितको शतकमा नेपालले साउथ अष्ट्रेलियामाथि दुई विकेटको जित     |     महिला व्यवसायीको उत्पादन प्रवर्द्धनका लागि ‘डिजिटल हाटबजार एप’     |     हिमालयन जाभामा एनआईबीएल इक्विटी पार्टनर्सको २८.८ % हिस्सेदारी     |     भिभो भि६० नेपालमा सार्वजनिक     |     मनाङ–२ मा उपनिर्वाचन मिति तय     |     सिंजा गाउँपालिकामा ताला लाग्दा कामकाज ठप्प     |     राप्ती राजमार्गमा अवरुद्ध पहिरो हटाइयो, यातायात सञ्चालनमा     |     नेपाललाई हराउँदै भारत साफ यु-१७ महिला च्याम्पियन     |    
कला र मनोरन्जन

“दृश्यमा नेपाल” अभियानअन्तर्गत “तिम्रो साथमा” भिडियोले कोशी पर्यटन वर्षलाई टेवा

१४ भाद्र २०८२, शनिबार १७:२४

काठमाडौँ। एभरेष्ट ग्यालरीको प्रस्तुतिमा तयार भएको प्रेमिल म्युजिक भिडियो “तिम्रो साथमा” सार्वजनिक गरिएको छ। भिडियो कोशी प्रदेशअन्तर्गत झापाको अर्जुनधारा नगरपालिका र इलामको कन्यामलगायतका रमणीय पर्यटकीय स्थलहरूमा छायांकन गरिएको हो।

यस गीतमा गायक प्रताप दास र सुनिता थेगिमले स्वर दिएका छन् भने संगीतकार राजकुमार बगरले संगीत भरेका छन्। शब्दरचना भने कोशी प्रदेश सामाजिक विकास मन्त्रालयका सचिव समेत रहेका हेम राज तामाङले गरेका हुन्। भिडियो गीतकारकै आधिकारिक युट्युब च्यानलमार्फत सार्वजनिक गरिएको हो।

लोकप्रिय मोडल/कलाकार सनम कठायत र आश्विनी शाहीले अभिनय गरेको भिडियो उत्सव दाहालको छायांकन र विकास दाहालको सम्पादनमा तयार भएको हो।

“दृश्यमा नेपाल” शीर्षकमा एभरेष्ट ग्यालरीले सुरु गरेको राष्ट्रिय अभियानअन्तर्गत यो भिडियो सार्वजनिक गरिएको हो। यस अभियानमार्फत मुलुकका प्राकृतिक सौन्दर्य, मौलिक संस्कृति र सामाजिक जीवनलाई प्रवर्द्धन गर्ने उद्देश्य राखिएको छ। साथै, कोशी प्रदेश पर्यटन वर्ष २०८२ लाई समर्थन पुग्ने विश्वास अभियानका अभियन्ता तथा कलाकार सनम कठायतले व्यक्त गरेका छन्।

प्रतिक्रिया दिनुहोस्