काठमाडौं। प्रियांक पञ्चालको सानदार ब्याटिङसँगै कर्णाली याक्सले नेपाल प्रिमियर लिग (एनपीएल)मा चितवन राइनोजलाई १६७ रनको लक्ष्य दिएको छ।
कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ थालेको कर्णालीले निर्धारित २० ओभरमा ३ विकेट गुमाउँदै १६६ रन बनाएको हो।
कर्णालीका प्रियांक डेब्यु खेलमा शतकनजिक पुगेर चुके। ४८ बल खेलेका ओपनरले ७ चौका र ६ छक्कासहित ९० रन बनाए। जारी प्रतियोगितामा यो दोस्रो अर्धशतक हो। यसअघि उद्घाटन खेलमा काठमान्डु गोर्खाजविरुद्ध साबिक विजेता जनकपुर बोल्ट्सका ओपनर आसिफ शेखले पहिलो अर्धशतक बनाएका थिए।
म्याक्स ओ’ डाउड २० र मार्क वार्ट १६ रनमा आउट हुँदा पवन सर्राफले २७ र नजिबुल्लाह जद्रानले अविजित रहँदै ४ रन थपे। चितवनका सैफ जैब, सोहेल तान्भिर र रवी बोपाराले समान १ विकेट हात पारे।
