काठमाडौँ। फिल्म ‘परान’ले प्रदर्शनको ५१ औं दिन पूरा गरेको छ । अहिलेसम्म फिल्मले १८ करोड कमाएको फिल्मका निर्माता रञ्जित आचार्यले जनाए ।
फिल्मको यस किसिमको सफलता मनाउन निर्माण टोली बुढानिलकण्ठस्थित पवित्र समाजसेवा नेपाल आश्रममा पुगे । त्यहाँका ६५ अनाथ तथा वृद्धवृद्धाका लागि उनीहरुले त्यहाँ कपडा वितरण गरे ।
दीपक प्रसाद आचार्य निर्देशित यो फिल्म अझै ३० पर्दामा देखाइँदैछन् । फिल्ममा कलाकारहरु नीर शाह, मदनकृष्ण श्रेष्ठ, पूजा चन्द, केकी अधिकारी, अञ्जना बराइली, महेश त्रिपाठी, प्रविण खतिवडा, बुद्धि तामाङ लगायतको अभिनय छ । यो फिल्म बाइस्कोप सिनेमाको ब्यानरमा निर्माण भएको हो ।
