एजेन्सी । इन्डोनेसियाका तीव्र गतिका बलर गेदे प्रियन्दानाले एकै ओभरमा ५ विकेट लिएका छन्।
उनले मंगलबार बालीस्थित उदयाना क्रिकेट स्टेडियममा कम्बोडियाविरुद्ध यो कीर्तिमान बनाएका हुन्। यो खेल इन्डोनेसियाले ६० रनले जित्यो।
२८ वर्षीय प्रियन्दाना पुरुष र महिला क्रिकेट दुवै समेट्दा, एकै ओभरमा ५ विकेट लिने संसारका पहिलो बलर बनेका छन्।
टी–२० अन्तर्राष्ट्रिय क्रिकेटको इतिहासमा पहिलो पटक कुनै बलरले एक ओभरमा ५ बलमै ५ विकेट लिएका हुन्। यसअघि सन् २०१९ मा श्रीलंकाका लासिथ मलिङ्गाले न्युजिल्यान्डविरुद्धको टी–२० अन्तर्राष्ट्रिय खेलमा लगातार चार बलमा चार विकेट लिएका थिए।
