काठमाडौं। शीर्ष डिभिजन क्लब न्युरोड टिम (एनआरटी)ले राष्ट्रिय लिगमा फ्रेन्ड्स क्लबविरुद्ध १–० को कठिन जित निकालेको छ ।

आइतबार (माघ ११) सातदोबाटोस्थित एन्फा मुख्यालयमा एनआरटीलाई जित दिलाउन आशिष गुरुङ निर्णायक बने । खेलको ६७औँ मिनेटमा आशिषले दिलाएको अग्रतालाई अन्तिम मिनेटसम्म जोगाउँदै एनआरटीले जित हासिल गरेको हो ।

यो जितसँगै एनआरटीले लिगमा नौ अंक जोडेको छ । एनआरटीले चार खेल खेल्दा तीन जित र एक हारसहित यो नतिजा आत्मसात् गरेको हो । पराजित फ्रेन्ड्सको सात अंक छ ।