काठमाडौँ। इङलिस प्रिमियर लिग अन्तर्गत आज भएको खेलमा क्रिस्टियन रोमेरो रातो कार्ड पाएसँगै लर्बराएको टोटेनह्याम हस्पर म्यान्चेस्टर युनाइटेडसँग २–० गोल अन्तरले पराजित भएको छ ।
यो जितसँगै युनाइटेडले २४ खेलबाट ४४ अंक सहित चौथो स्थानमा आफ्नो स्थान बलियो बनाएको छ । आजको खेलमा ३८औं मिनेटमा ब्रायन बुमो तथा ८१औं मिनेटमा ब्रुनो फर्नान्डेजले सुन्दर गोल गरेका थिए ।
पहिलो हाफको ३० मिनेटसम्म टोटेनह्यामले युनाइटेडसँग निकै प्रतिस्पर्धात्मक खेल खेलेपनि रोमारियोले रातो कार्ड पाएपछि टिम तिब्र दबाबमा परेको थियो ।
करिब ६४ प्रतिशत बल आफ्नो नियन्त्रणमा राखेको युनाइटेडले टोटेनह्यामको पोस्टमा कम्तीमा २३ पटक सट प्रहार गरेको थियो भने टोटेनह्यामले युनाइटेडको पोस्टमा ५ पटक मात्र प्रहार गरेको थियो ।
युनाइटेडले खेलेका पछिल्ला पाँच खेलमा चार जित र एकमा बराबरी गरेको छ । टोटेनह्याम भने पछिल्ला पाँच खेलमा तीन हार र दुईमा बराबरी गरेको छ । यही कारण टोटेनह्यामका प्रमुख प्रशिक्षकको पद धरापमा परेको छ ।
