काठमाडौं। शीर्षक्रम चल्न नसक्दा भारत आईसीसी टी–२० क्रिकेट विश्वकप २०२६ मा अमेरिकाविरूद्ध १६१ रनमा रोकिएको छ ।
मुम्बईस्थित वान्खेडे क्रिकेट रंगशालामा टस हारेर ब्याटिङमा उत्रिएको घरेलु टोली पूरा ओभर खेलेर ९ विकेट गुमाउँदै १६१ रनमा रोकिएको हो ।
शीर्षक्रमका ब्याटर तथा ओपनर इशान किशन २० रन बनाएर पभेलियन फर्किए । अर्का ओपनर अभिषेक शर्मा शून्यमा आउट भए । रिंकु सिंह ६, हार्दिक पाण्डेयले पाँच रन बनाउँदा शिभम दुवेले रन जोड्न सकेनन् ।
तर, कप्तान सूर्यकुमार यादवको अर्धशतकमा भारतको इनिङ्स केही उकासियो । यादवले ४९ बलमा ८४ रन जोडे । तेस्रो नम्बरमा ब्याटिङ गर्न आएका तिलक वर्माले २५ रन बनाएका थिए ।
अमेरिकाका बलरले उत्कृष्ट प्रदर्शन गरे । शाड्ली भाव शाल्कवाइकले एकै ओभरमा तीनसहित चार विकेट लिए । हर्मित सिंहले दुई तथा महोम्मद मोहसीन र अलि खानले समान एक-एक विकेट लिए ।
