काठमाडौँ। आईपीएल २०२६ को पहिलो क्वालिफायरमा मंगलबार रोयल च्यालेन्जर्स बेंगलुरु र गुजरात टाइटन्स प्रतिस्पर्धा गर्दैछन्।
धर्मशालामा हुन लागेको खेल नेपाली समयअनुसार बेलुका ७ः४५ बजेबाट सुरु हुनेछ। आजको खेलको विजेता टोली सिधै फाइनलमा पुग्नेछ। यद्यपि, वर्षाको सम्भावना ८० प्रतिशत रहेको छ।
मंगलबार धर्मशालामा वर्षा हुने सम्भावना ८० प्रतिशत रहेको भारतको मौसम विभागले जनाएको छ। यदि बर्षाले खेल रद्द भए अंक तालिकाको शीर्ष स्थानमा रहेको बेंगलुरु सिधै फाइनलमा पुग्नेछ।
बेंगलुरु र गुजरातले हेड–टू–हेड रेकर्डमा बराबरी खेलेका छन्। उनीहरूबिच अहिलेसम्म आठ आईपीएल खेल खेलेका छन्। जसमा बेंगलुरु र गुजरातले समान चार खेल जितेका छन्।
यस सिजनमा दुई टोली दुई पटक आमनेसामने भएका छन्। जसमा दुवै टोली एक एक पटक विजयी भए।
आरसीबीका लागि विराट कोहली सर्वाधिक रन स्कोरर हुन्। उनले एक शतक र चार अर्धशतकसहित ५५७ रन बनाएका छन्। यस्तै, बलिङतर्फ भुवनेश्वर कुमारले २४ विकेट लिएका छन्।
गुजरातको लागि कप्तान शुभमन गिलले ६१६ रन र साई सुदर्शन ६३८ रन बनाएका छन्। यस्तै, बलिङतर्फ कागिसो रबाडाले २४ विकेट लिएका छन् भने रशिद खानको नाममा १९ विकेट छ।
