काठमाडौँ । अभिनेता हरिवंश आचार्य र प्रकाश सपुतको मुख्य भूमिका रहने गरी फिल्म ‘हरिबहादुरको जुत्ता’ निर्माण हुने भएको छ । फिल्मलाई दीपेन्द्र के खनालले निर्देशन गर्न लागेका हुन् ।
उक्त फिल्ममा हरिवंश र प्रकाशपछि नायिकाको रुपमा स्वस्तिमा खड्का अनुबन्धित भएकी छन्। आचार्यले फेसबुकमा तस्बिर सेयर गर्दै यसबारे जानकारी दिएका हुन्।
सरोज ओलीको निर्माण रहने फिल्मको पटकथा तथा संवाद हरिवंशले लेखेका छन्। अभिनेताद्वय हरिवंश र प्रकाशसँग निर्देशक दिपेन्द्रको यो पहिलो सहकार्य हो। तीनैजनाले यसअघिसँगै फिल्ममा सहकार्य गरेका छैनन्। प्रकाशका अनुसार यो फिल्म तीन पुस्ताका कलाकर्मीलाई जोड्ने कडी बन्नेछ।
