काठमाडौं। नेपाली चलचित्र ‘पूर्णबहादुरको सारङ्गी’ नेपालमा सर्वाधिक कमाउने घरेलु फिल्म बनेको छ ।
निर्माणपक्षका अनुसार १६ दिनमा यो चलचित्रले ३३ करोडको आंकडा पार गरेको छ । निर्माता विनोद पौडेलका अनुसार १६ दिनमा ‘पूर्ण बहादुरको सारङ्गी’ले ३३ करोड १८ लाख रुपैयाँ ग्रसकलेक्सन गरेको हो । यो नेपालको बक्सअफिस कलेक्सन मात्रै हो । ‘पूर्ण बहादुरको सारङ्गी’ एक करोड ३० लाखमा बनेको चलचित्र हो ।
सरोज पौडेलको लेखन र निर्देशनमा बनेको फिल्ममा गन्धर्व समुदायको कथा र बाबु छोराको सम्बन्धलाई मार्मिक ढंगले प्रस्तुत गरेको छ। फिल्ममा महेश दवाडीको पटकथा तथा संवाद लेखन छ। विजय बरालको मुख्य भूमिकामा बनेको फिल्ममा अञ्जना बराइली, मुकुन भुसाल, प्रकाश सपूतलगायत कलाकारको अभिनयलाई दर्शकले तारिफ छन्।
