काठमाडौं। नीता ढुंगानाको फिल्म ‘ह्रस्व दीर्घ’ ले ६ करोड ६९ लाख व्यापार गरेको छ। फिल्मले प्रदर्शनको ९ दिनसम्म देशभरिबाट ६ करोड ६९ लाख ग्रस कलेक्सन गरेको हो।
फिल्म ‘‘ह्रस्व दीर्घ’ कार्तिक ३० दिनबाट देशव्यापी रुपमा प्रदर्शनमा आएको थियो । बक्स अफिसमा यस चलचित्रले६ करोड ६९ लाख ग्रस कलेक्सन गरेको वितरण कम्पनी ब्यांकटेस इन्टरटेनमेन्टले जनाएको छ ।
पहिलो साता बिहीबारसम्म यस फिल्मले ५ करोड ५४ लाख कमाइ गरेको थियो। फिल्मले दोस्रो शुक्रबार ४५ लाख र शनिबार ७० लाख कमाएको छ।
फिल्ममा नीतासहित हरिहर अधिकारी, ब्रह्मानन्दम, अली, कवीर दुहान सिंह, प्रदीप रावत, सुनिल वर्मा र प्रशान्त ताम्राकार, सञ्चीता लुइँटेल, विपना थापा, सरोज खनाल, नरेन खड्का, गरिमा शर्मा, रवीन्द्र झा, आर्दश मिश्र, बुद्धि तामाङ र किरण केसीलगायतको अभिनय छ।
