काठमाडौं। गायक रामचन्द्र काफ्लेको अनु चौधरीसँगको नयाँ यूगल गीत ‘ओई सुवा, ओई बाज’ को म्यूजिक भिडियो सार्वजनिक भएको छ ।
धनगढी महोत्सवमा एक कार्यक्रम माझ सार्वजनिक गरिएको उक्त गीतका गीतकार मंगल जयगडी रहेका छन् भने यसका संगीतकार राजेश कैदी रहेका छन् ।
यस गीतमा संगीत व्यवस्थापन (एरेन्ज) संगीतकार शिशिर साधकले गरेका छन् । म्युजिक भिडियोमा पार्श्व संगीत किरण तुलाधरले दिएका छन् ।
मिलन शंकरद्वारा छायांकन गरिएको म्युजिक भिडियोको सम्पादन नहकुल खड्काले गरेका छन् । वरिष्ठ निर्देशक विभोर पोखरेलद्वारा निर्देिशत यस गीतको म्युजिक भिडियोमा वरिष्ठ कलाकार सुनिल थापाका साथै रिमा विश्वकर्मा, विवेक पौडेल, निकेन महर्जन तथा नवोदित चरित्र अभिनेता मीरेश अधिकारीको उत्कृष्ट अभिनय छ ।
