नयाँ दिल्ली। दक्षिण भारतीय स्टार र अल्लु अर्जुनको फिल्म पुष्पा २ ले बक्स अफिसमा कमाइको आँधी नै ल्याएको छ । फिल्मले धमाधम रेकर्डतोड कमाई गरिरहेको छ ।
रिलिजको दोस्रो सप्ताहन्तसम्म फिल्मले विश्वभरमा १४०० करोड भारुभन्दा धेरै कमाएको छ । फिल्मको विशेष शोका क्रममा भएको घटनाको मामिलामा अल्लु पक्राउ परेपछि फिल्मको कमाई प्रभावित हुने बताइएको थियो । तर ट्रेड एक्सपर्टहरूले भने अरु नै कुरा बताइरहेका छन् ।
१३ डिसेम्बरमा सन्ध्या थिएटरमा फिल्मको विशेष प्रिमियरमा भागदौडको क्रममा एक महिलाको मृत्यु भएको थियो भने महिलाको नाबालक छोरा आईसीयूमा पुगेका छन् । यस घटनाका कारण फिल्मको कमाई घट्ने अनुमान गरिएको थियो । तर आँकडा यसको ठिक उल्टो आएको छ । अल्लु पक्राउ पर्नु अनि उनको रिहाइपछि आएको नयाँ आकडाले यो घटनाले फिल्मले झनै फाइदा पाएको देखाएको छ ।
सोमबार ११ दिनमा भारतमा फिल्मले ७६ करोड ६० लाख भारु कमाएको थियो । योसँगै फिल्मको कमाई ९०२ करोड १० लाख भारु पुगेको छ । विदेशमा फिल्मको ११ दिनमा १४०० करोड भारु नाघेको फिल्मका मकरहरूले बताएका छन् । फिल्म छिट्टै १५०० करोड पार गर्ने क्रममा रहेको छ ।
