काठमाडौँ। कलाकारद्वय दीपादीपकको फिल्म ‘छक्का पञ्जा ५’ को ‘ब्रेकअप सङ’ सार्वजनिक भएको छ।
‘ब्रेकअप सङ’ नाममा सार्वजनिक गीत रमाइलो खालको छ। ब्रेकअपपछि प्रेमिले प्रेमिकालाई पोखेको आक्रोश र गालीलाई गीतमा दर्शाइएको छ। प्रेमीकाले अर्कैसँग इन्गेजमेन्ट गरेपछिको माहोलबाट गीत सुरू हुन्छ।
यो गीतको शब्द संगीत र स्वर बालुल गिरीको हो । गीतमा महिलाको आवाज फिल्म निर्देशक दीपाश्री निरौलाले दिएकी छन् । गीतमा भूतपूर्व प्रेमी–प्रेमिकालाई ‘तँ’ भनेर सम्बोधन गरिएको छ । त्यहीकारण केहीले ‘योभन्दा उत्कृष्ट शब्द चयन हुन सक्ने’ तर्क गरेका छन् । बुधबार साँझ सार्वजनिक यस गीतले यो समाचार तयार पर्दासम्म १२ लाख ६२ हजारभन्दा बढी भ्युज पाएको छ ।
त्यसैगरि, मेक्सन गौडेल र सुरवीर पण्डित लगायतलाई पनि भिडिओमा देख्न सकिन्छ। ब्रेकअप मुड दर्शाउने गीतले प्रेमीले प्रेमिकाप्रति पोखेको रिष र आक्रोशलाई चित्रण गरेको छ। गीतको शब्ददेखि कलाकारको प्रस्तुति कमेडीखाले देख्न सकिन्छ।
दीपाश्री निरौला निर्देशित यस फिल्ममा दीपककै कथा, पटकथा र संवाद रहेको छ। फिल्ममा दीपकसहित केदार र निर्मल शर्माको लगानी छ।
