काठमाडौं। काठमाडौं महानगरपालिका–२६ वडाको आयोजनामा असार १ गतेदेखि ८ गतेसम्म जिल्लाव्यापी बृहत् खेलकुद प्रतियोगिता हुने भएको छ।
‘स्वास्थ्यका लागि खेलकुद’ नारासहित आयोजना हुने प्रतियोगितामा महानगरका ३२ वडासहित अन्य १० नगरपालिकाका खेलाडीहरूको सहभागिता रहनेछ।
फुटसल, टेबलटेनिस, तेक्वान्दो र कराँतेसहित ५ विधामा प्रतिस्पर्धा हुनेछ। प्रतियोगिताका लागि ३५ लाख रुपैयाँ बजेट विनियोजन गरिएको छ। उत्कृष्ट खेलाडीहरूलाई प्रथम, द्वितीय र तृतीय नगर पुरस्कार प्रदान गरिने आयोजकले जनाएको छ।
