काठमाडौँ। टिभी सिरियल “महाभारत” मा कर्णको भूमिकाबाट चर्चित अभिनेता पंकज धीरको ६८ वर्षको उमेरमा बुधबार निधन भएको छ।
बीबीसीका अनुसार फिल्म तथा टिभी कलाकारहरूको संस्था, सिन्टाका अध्यक्ष अमित बहलले उनको मृत्यु भएको पुष्टि गरेका हुन् ।
संस्थाले समवेदना व्यक्त गरेको छ। पंकज धीर विगत केही महिनादेखि बिरामी थिए, तर उनको मृत्युको कारण अझै खुलाइएको छैन।
पंकज धीरको अन्तिम संस्कार बुधबार साँझ ४:३० बजे मुम्बईको विले पार्ले श्मशानघाटमा गरिने भएको छ ।
